Xenophon Hellenica 3.3.4-5

An informer reports to the Spartan ephors that Kinadon, the leader of a conspiracy, had asked him to count the Spartan citizens in the market place. Kinadon explains that the Spartan citizens are the enemy, but that there are not many of them.

ληγούσης δὲ τῆς θυσίας ἐντὸς πένθ’ ἡμερῶν καταγορεύει τις πρὸς τοὺς ἐφόρους ἐπιβουλὴν καὶ τὸν ἀρχηγὸν τοῦ πράγματος Κινάδωνα. οὗτος δ’ ἦν καὶ τὸ εἶδος νεανίσκος καὶ τὴν ψυχὴν εὔρωστος, οὐ μέντοι τῶν ὁμοίων. ἐρομένων δὲ τῶν ἐφόρων πῶς φαίη τὴν πρᾶξιν ἔσεσθαι, εἶπεν ὁ εἰσαγγείλας ὅτι ὁ Κινάδων ἀγαγὼν αὐτὸν ἐπὶ τὸ ἔσχατον τῆς ἀγορᾶς ἀριθμῆσαι κελεύοι ὁπόσοι εἶεν Σπαρτιᾶται ἐν τῇ ἀγορᾷ.

καὶ ἐγώ, ἔφη, ἀριθμήσας βασιλέα τε καὶ ἐφόρους καὶ γέροντας καὶ ἄλλους ὡς τετταράκοντα, ἠρόμην· Τί δή με τούτους, ὦ Κινάδων, ἐκέλευσας ἀριθμῆσαι; ὁ δὲ εἶπε· Τούτους, ἔφη, νόμιζέ σοι πολεμίους εἶναι, τοὺς δ’ ἄλλους πάντας συμμάχους πλέον ἢ τετρακισχιλίους ὄντας τοὺς ἐν τῇ ἀγορᾷ. ἐπιδεικνύναι δ’ αὐτὸν ἔφη ἐν ταῖς ὁδοῖς ἔνθα μὲν ἕνα, ἔνθα δὲ δύο πολεμίους ἀπαντῶντας, τοὺς δ’ ἄλλους ἅπαντας συμμάχους.

λήγω: “come to an end”
εὔρωστος, -ον: “strong”
οἱ ὅμοιοι: “the equals” (that is, the full citizens of Sparta)
ὁ εἰσαγγείλας: “the informer”

(1A 2 2010)

Download a pdf of this passage

This passage has no constructions associated with it yet

Jo Willmott | Ancient Greek sentences

Home > Passages > Xenophon Hellenica 3.3.4-5